Мэргэжил нэгт эрхэм нөхөд өө!

Тавь гаруй жилийн түүхтэй, мэргэжлээрээ нэгдсэн олон нийтийн байгууллага болох Монголын орос хэлний багш нарын холбоо (МонАПРЯЛ) өөрийн веб-сайт нээж байгаа нь бидэнд монголын орос хэлний сургалт болон орчин үеийн боловсролын практик амьдралд гарч буй шинэлэг мэдээлэл, эрдэмтэд, багш, сурган хүмүүжүүлэгчид, гадаад хэлний сургалтын чиглэлээр идэвхтэй ажилладаг хамтрагчдын дэвшүүлсэн чухал сэдвүүдийг дор бүрд нь хүлээн авах боломжийг нэн тэргүүнд бүрдүүлж байна.

МонАПРЯЛ-ын цахим хуудсын мэдээллийн үнэлэмж болон ажил хэрэгч нэр хүнд нь орчин үеийн орос хэлний сургалтанд нэвтэрч буй хийгээд орос хэлийг гадаад хэлний үүргээр заадаг багш нарын мэргэжлийн өсөлт дэвшилд хэрэгтэй, цагаа олсон, амьдралд нотлогдсон хэрэглэгдэхүүнээр өөрсдийгөө болон хамтран зүтгэгчдээ хангах гэсэн хэрэглэгчдийнх нь чин хүсэл эрмэлзлээс гол төлөв хамаарах болно. Энэхүү цахим хуудсыг Монгол дахь орос хэлний сургалт, судлалыг хөгжүүлэх үүднээс зорилгынх нь дагуу өргөн ашиглахыг энэ ялдамд уриалъя!

Монголын орос хэлний багш нарын холбооны ерөнхийлөгч

проф. Ц.Магсар